FAASILASILA MA LE TAMAITAI PALEMIA, LE AFIOGA FIAME NAOMI MATAAFA. – Feiloaiga ma Tusitala. [4 Iuni 2025].

SAMOA, June 4 - Ou te fa’atalofa atu Samoa i lau faafofogaaga. I le feagai ai ma tiute ma nafa o lenei aso, aua le uta ma le ta’i, aemaise le tapuaiga mau; faamalo faafetai le tauāta’i i faiva eseese o la tatou galuega ma le tautua. O paia fa’ale-Malo, i le afio o lau Afioga i le Ao Mamalu o le Malo ma lau Masiofo, o Sui o le Fono o Sui Tofia. E faapea foi le tafatolu o le faiga-Malo a Samoa.

O le paia lava lea aua Tama ma Aiga, o Aiga foi ma Tama. Le mamalu o le usoga a Tumua ma Pule, Ituau ma Alataua, Aiga i le tai ma le Va’a o Fonoti.

E lē faagaloina foi le paia o le aufaigaluega totofi a le Atua i fata faitaulaga e fia i le atunuu. Faafetai i lo latou faiva, auā le Atua ma lona finagalo.

Ua mavae atu sauniga o le fa’ailogaina o le 63 Tausaga o le Malo Tuto’atasi na amataina i le sauniga lotu i le afiafi o le aso Sa, 1 Iuni i le Taitaiga a le Fono a Ekalesia So’ofa’atasi. E fa’amauina ai le agaga fa’afetai i le Taitai o le Sauniga, le Afioga i le Peresitene Aoao o le Ekalesia Metotisi faapea lona auva’a, mo le molia o talosaga ma le upu folafola na tomua ai polokalame o le tatou faamanatuga. E faapea foi i le mamalu o Aufaipese sa lautogia. Faafetai tele le taulagi.

E faamauina foi le agaga faafetai i le paia o le atunuu sa o tatou auai faatasi i polokalame o le faamanatuina o le tatou Tutoatasi i lenei tausaga. O a tatou Malo fa’aaloalogia, le Afioga i le Kovana o Amerika Samoa ma le Ulu o Tokelau. Sui o Malo ma Faalapotopotoga Faava-o-Malo, O Faauluuluga o Matagaluega ma Faalapotopotoga ma Pisinisi i le atunuu. Aemaise nai fanau aoga, sa au faatasi i le savali faaaloalo i le taeao o le Gafua i le sauniga mo le sisiina a’e o le tagavai o lo tatou Malo Tutoatasi. Faafetai faamaopopo, faamalo mo lo outou sao i le aso fiafia o le atunuu.

Tō matū palapala o lena taeao i le malelega a le Ao Mamalu o le Malo e faafetaia ai le alofa ma le agalelei o le Atua i le tatou faiga malaga i lenei 63 tausaga. Ma le naunautaiga ina ia tausia e Samoa faavae tausili o le tatou tū ma le aganuu i le loto gatasi e tuliloa le lumanai manuia o tatou uma.

O le aso Lua o le vaiaso nei, ua aloaia ai le poloaiga a le Ao Mamalu o le Malo e faataape le Palemene. O le asō, aso Lulu ua faagasolo ai i le Faamasinoga le mataupu a le Ofisa o Faiga Palota mo ni faatonuga a le Faamasinoga i auala e faatino ai le Faiga Palota Tele o le a sauni atu iai le atunuu. O le mataupu autū o lo’o tālia ai se faaiuga a le Fa’amasinoga o taimi faatulagaina mo le Faiga Palota.

Peitai, ua se’e atu le faiga Malo, a’u nei ma le Kapeneta, o le Pule Faatonu Tausi Malo e fa’aauauina le faafoeina o le Malo seia tulai mai se faiga-Malo fou i le mae’a ai o le Faiga Palota tele o lo’o loma nei.

O nai faasilasilaga ia mo le nofo silafia o le tatou atunuu i nisi o tapenaga o lo’o fa’agasolo nei.

FROM PRIME MINISTER FIAME NAOMI MATAAFA. [4th June 2025]

Talofa lava Samoa,

The ceremonies marking the 63rd Anniversary of Independence have concluded, which began with a church service on the evening of Sunday, June 1st, led by the National Council of Churches. I express gratitude to the President of the Methodist Church who led the service and to the Reverends for the prayers and the chosen choirs for the hymns.

I also extend sincere appreciation to everyone that attended and took part in the celebrations. Our guests of honor, the Honorable Governor of American Samoa and the Head of Tokelau. The members of the Diplomatic Corps, Heads of Ministries and Corporations, civil societies, and the business community. And particularly the students who participated in the flag raising ceremony and the March parade. It was great to see everyone enjoying the occasion.

The Head of State’s address recapitulated our praises to God for His love and grace that has kept our journey safe over these 63 years. With the determination that Samoa will uphold the noble foundations of our tradition and culture in unity to pursue a prosperous future for all of us.

Yesterday, Tuesday 3rd June, the order of the Head of State to dissolve Parliament became effective. Today, Wednesday, a motion from the Office of the Electoral Commission is before the Court to seek declaratory judgement on timelines to conduct the General Election that the country will be preparing for.

In the meantime, I along with Cabinet continue to serve as the Executive Caretaker Government to continue operations until a new government is formed after the upcoming general election.

The main issue awaiting a decision from the Court is the timing of the Election.

These are a few announcements to keep our community informed of some of the preparations that are underway.

SOIFUA.

Photo by the Government of Samoa [Leota Marc Membrere]

June 11, 2025